Plantun de Prouvènço

Pèr coumpara dos planto d'encò nostre

Crataegus laevigata & Polygonum aviculare

Acinié(-di-dous-estile)

Crataegus laevigata

Rosaceae

Àutri noum : Acinas, Poumetié.

Nom en français : Aubépine à deux styles.

Descripcioun :
Aquest acinié, que se destrìo dóu coumun emé si dous estile e si fueio di lobe redoun, s'atrovo pas gaire au nostre, e quasi toujour en mountagno. I'agrado mai l'uba d'Éuroupo. La planto èi proutejido sus listo roujo, categourìo LC, es à dire soucit minour.

Usanço :
Li fru e li fueio an li mémi prouprieta que l'acinié, estènt riche en anti-óussidant.

Port : Aubret
Taio : 1 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Crataegus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 10 à 15 mm
Flourido : Printèms

Sòu : Ca
Autour basso e auto : 600 à 1600 m
Aparado : Noun
Abriéu à mai

Liò : Orle de bos - Faio - Bouissoun
Estànci : Subremediterran à Mountagnard
Couroulougi : Éuroupen
Ref. sc. : Crataegus laevigata (Poir.) DC., 1825

Lengo-de-passeroun

Polygonum aviculare

Polygonaceae

Àutri noum : Tirasso, Tirasseto-de-camin, Sanguino, Erbo-nousado, Trenco-taio.

Noms en français : Renouée des oiseaux, Traînasse.

Descripcioun :
La lengo-de-passeroun es uno planto coumuno que trachis dins li champ, ermas e pelouso. Pòu èstre siegue drecho, siegue pòu rebala, tirassa au sòu. Fai de pichòti flour mistoulino blanco o roso. La taio di fueio èi proun chanjadisso segound li relarg (fotò).

Usanço :
Es uno planto manjadisso, mai coume pèr tóuti li Polygonaceae, caup d'acide óussali e n'en fau pas trop prendre. Ei couneigudo pèr ajuda au caiamen dóu sang, lucha contro l'inflamacioun, lou mau de garganto, lou tussi, la cagagno...